.. من رفعت الراس يا ساقي الورود .. نزّلوا راس العرب : بــ أطفال غزّه .. =(

حقوق إنسان ،
وأطفالٍ نردد داخل الطابور :
[ تحيا الأمة العربية ] .
/
/
[ تحيا الأمة العربية ] :

ولا تحيا سوى الأحزان !
إذا كنا نبي نلعب . .
ركضنا داخل البستان
ونكبر دون ما ندري عن الحرمان !
عن المعنى الحقيقي لكلمة : الأوطان
/
/
نسمّي دون ما ناكل . .
نخاف نموت !
ومن منكم ما يخاف الموت ؟
يموت اللي يروح المسجد يصلّي ،
ونصلّي أحيان :
[ تحيا الأمة العربية ] .
/
/
[ وين الأمة العربية ] !

عن المسجد
نقول اللـه أكبر كل لحظه ،
ونستشهد قبل ما نسجد . .
كان ياما كان في مثل الزمان ،
مدرسه وأطفال ناقصهم حنان !
كثير أموات في غزه ،
وقليل أكفان !
/
/
مثلكم دايم نردد :
[ تحيا الأمة العربية ]
[ تحيا الأمة العربية ]
ومتنا من سبب ( تحيا . .
. . هالأمة ) وأخرس الشيطان .

إيه يا فصل ( الإهانه ) و البرود ،
___________ المطر . . طق المطر من غير حزّه !

تلعَب الأشبال في ساحة أسود . .
___________ يا طهر أرواح تتساقط ~ بـ عزّه

الغضى : يشبه رصاصات الجنود ،
___________ وريحة البارود ، هذا جو { غزّه } !

شفت ساقي الورد في إيده قيود . .
___________ ودمعة الأطفال موقف وإستفزّه

جاه جندي وقال أحس إنك : حقود
___________ ما خذيت من العرب إلا [ المفزّه ] !

لو يغز الشوك شخص من اليهود . .
___________ نحرق { البستان } و كل اللي يعزّه !

( الوجود ) .. إنك تصير : بلا وجود ،
___________ مافهمت الدرس ؟ والساقي يخزّه . .

{ لك حدودك } بس أنا مالي حدود ،
___________ وأي مُسلم يوقف بدربي أهزّه !

من رفعت الراس يا ساقي الورود ،
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .
___________ نزّلوا راس العرب : بــ أطفال غزّه . .

:

بقلم .. / أحمـد الصــانع .. =)

..~

يقنن !!

كنت ابغى ادور شي عجبني اكتبه ! بس لقيته كله على بعضه حلوو !

يسلمووو فرووح

يسسلمكـ ربي نبـروس .. =D

شـوووووكرن عالمرور .. =)

..~